Алматы маңында апорт бағы пайда болмақ. Келесі жылға дейін 110 гектарға егіледі. Бұл – қазақ брендін қайта жаңғыртуға бағытталған ірі жоба. Қазір ғалымдар апорттың байырғы түрін қалпына келтіру үшін генетикалық зерттеулер жүргізіп жатыр. Әсіресе жабайы Сиверс алмасының жақын түрлері сұрыпталған. Болашақта Алматының брендіне айналған алманы халықаралық нарыққа шығару жоспарланып отыр.
