Қазіргі әлемде дұрыс тамақтану және диеталық шектеулер мәселелері өзекті бола түсуде. Осындай өзекті тақырыптардың бірі-глютенсіз макарон өнімдерін қолдану мәселесі. Глютен-бидай, қара бидай және арпада кездесетін ақуыз, ол целиак ауруы немесе глютенге сезімталдығы бар адамдарда жағымсыз реакциялар тудыруы мүмкін. Соңғы онжылдықтарда глютенсіз диетаға деген қызығушылықтың артуы байқалды, бұл глютенсіз өнімдерге, соның ішінде макаронға деген сұраныстың артуына әкелді.
Бүгінгі күні глютенсіз өнімдерді өндіру үшін біз күріш, жүгері, ноқат, жасыл қарақұмық және т.б. сияқты жергілікті шикізаттарды қолданамыз. Мұндай жергілікті шикізатты пайдаланудың мақсаты дәстүрлі емес өсімдік шикізатын қолдана отырып, глютенсіз макарон өнімдерінің технологияларын әзірлеу және өнімді халықаралық нарыққа шығару болып табылады.
Глютенсіз шикізаттан макарон өнімдерін өндіру үшін негізгі өндірістік операциялардың оңтайлы рецептурасы мен ұтымды технологиялық параметрлерін таңдау қажет, өйткені дәстүрлі емес шикізат өзінің қасиеттері бойынша бидай ұнынан айтарлықтай ерекшеленеді және де олардан біздің қолданыстағы макарон өнімдері өндіріледі.
Ұнның дәстүрлі емес түрлерін (мысалы, күріш және жасыл қарақұмық) қолдану целиакия ауруы бар адамдарға арналған арнайы мақсаттағы макарон өнімдерін алуға мүмкіндік береді. Дәстүрлі емес өсімдік шикізатынан жасалған макарон өнімдерінің әзірленген технологиялары мен рецептуралары стандартты органолептикалық сипаттамалары мен физика-химиялық қасиеттері бар, тұтынушылардың барлық топтарына ұсынылатын тағамның маңызды компоненттерінің жоғары мөлшері бар өнімдерді өндіру үшін ұсынылады.
«Қазақ қайта өңдеу және тамақ өнеркәсібі ҒЗИ» ЖШС АФ ғылыми қызметкері Керимбекова Н.М.
