Ы. Жақаев атындағы Қазақ күріш шаруашылығы ғылыми-зерттеу институтының ғылыми-тәжірибелік алаңы биыл ауыл шаруашылығы саласында айтарлықтай жетістіктер көрсетті. Жаздық дақылдардың жалпы егіс көлемі 986 гектардан асты. Институттың егістік алқаптарына түрлі ауыл шаруашылығы дақылдары отырғызылды, атап айтқанда 700 гектар жерге күріш, 40 гектар - құмай, жаздық арпа – 2 гектар және қалған 226 гектарға көпжылдық шөп егілді.
Аймақ үшін негізгі дақыл болып табылатын күрішті отырғызу 2024 жылдың 20 сәуірінде басталды. Жергілікті ғалымдардың заманауи технологияларды қолдана отырып, шығарған "Айсара" және "Сыр сұлуы» атты күріш сорттары жоғары сапаға ие. Пісу мерзімі дәстүрлі сорттарға қарағанда әлдеқайда жылдам. Осының арқасында фермерлер егінді жоспарлаған уақытынан 3-4 күнге ертерек жинай алады. Осының арқасында аймақтың ауыл шаруашылығы саласы өңірлік экономиканың алға жылжуына үлесін қоспақ.
2024 жылдың 15 қазанына дейін астық толығымен жиналады деп жоспарлануда. Институт ауыл шаруашылығы өндірісі процесіне инновациялық техникаларды белсенді түрде енгізуді жалғастыруда, бұл сөзсіз өнімді арттыруға және азық-түлік қауіпсіздігін қамтамасыз етуге көмектеседі.
Қазақ күріш шаруашылығы ғылыми-зерттеу институтының биылғы жұмысы Қазақстанның ауыл шаруашылығы нарығындағы позициясын нығайтып, фермерлердің өмірін жақсарту жолындағы маңызды қадам боп саналады.
