2025 жылғы 30 қазанда «А.И. Бараев атындағы дәнді дақыл шаруашылығы ғылыми-өндірістік орталығы» ЖШС базасында «Kaz Agro Carbon» карбондық агроклиматтық полигонының ашылуы өтті. Жоба ҚР Президенті жанындағы Ұлттық ғылым академиясының қолдауымен (ҚР ҰҒА), Қазақстан мен Ресей ауыл шаруашылығы министрліктерінің өкілдері, отандық және ресейлік ғалымдар, ауыл шаруашылығы құрылымдарының басшылары және басқа салалық ұйымдардың қатысуымен жүзеге асырылуда.
Шара Қазақстан-Ресей агроөнеркәсіптік кешенінде озық технологиялар орталығының қызметі аясында, ҚР ҰҒА мен Ресей Федералдық агроэкология ғылыми орталығы арасындағы ынтымақтастық Меморандумы шеңберінде өтті. «Айна» карбондық полигондарды құру Қазақстан мен Ресей арасындағы топырақтық көміртекті басқару, парниктік газ шығарындыларын азайту және аграрлық сектордың климаттық тұрақтылығын арттыру саласындағы ғылыми өзара іс-қимылды нығайтады.
Полигон көміртек балансын өлшеу, модельдеу және басқару әдістерін бірлесіп зерттеудің пилоттық алаңы болады. Екі ел ғалымдары Солтүстік Қазақстанның әртүрлі экожүйелерінде шығарындыларды азайту және көмірқышқыл газын сіңіру технологияларын әзірлейді.
Бауржан Асанов, «Ұлттық аграрлық ғылыми-білім беру орталығы» КеАҚ төрағасы.
«Kaz Agro Carbon» карбондық агроклиматтық полигонын құру - тұрақты ауыл шаруашылығының жаңа моделін қалыптастыруға стратегиялық қадам. Жоба Қазақстан мен Ресей арасындағы ғылыми ынтымақтастықты дамытуға және агроөндірісте көміртек ізін азайтуға бағытталған практикалық шешімдерді енгізуге мүмкіндік береді»
«Карбондық полигонды құру - ғылымды, инновацияларды және нақты өндірісті интеграциялау платформасы, ол топырақ құнарлылығын сақтау, ауыл шаруашылығын климаттың өзгеруіне бейімдеу және көміртек ізін азайтуға бағытталған. Полигон Қазақстанда көміртек балансын басқарудың ұлттық жүйесін қалыптастыру және климатқа бағытталған ауыл шаруашылығын дамыту негізі болады», – деп Тимур Савин, «А.И. Бараев атындағы дәнді дақыл шаруашылығы »
ЖШС Басқарма Төрағасы атап өтті.
Ашылу рәсіміне ҚР ҰҒА президенті А.К. Қуришбаев, ҚР экология және табиғи ресурстар вице-министрі Н.К. Шарбашев, Қазақстандағы РФ Ауыл шаруашылығы министрлігінің өкілдері, РАН ФАНО агроэкология ғылыми орталығының директоры А.И. Беляев, ФАО сарапшылары, Ганновер университетінің ғалымдары, ғылыми және білім беру ұйымдарының жетекшілері, бизнес қауымдастығы, отандық және шетелдік зерттеушілер мен фермерлер қатысты.
«Kaz Agro Carbon» полигонының ашылуы Қазақстандағы ғылым мен ауыл шаруашылығы үшін маңызды қадам болды, ол климатқа тұрақты агроөнеркәсіптік кешенді дамытуға және «жасыл» технологиялар саласында халықаралық ынтымақтастықты нығайтуға бағытталған.
