«Ұлттық аграрлық ғылыми-білім беру орталығы» КеАҚ Қазақ егіншілік және өсімдік шаруашылығы ғылыми-зерттеу институтының базасында «Агроөндірістегі цифрлық технологиялар – тұрақты дамудың негізі» тақырыбындағы «Егінжай күні» пленарлық отырысын өткізеді.
Іс-шараға аграрлық ғылым, білім беру, бизнес және агроөнеркәсіп кешені салаларының өкілдері қатысады.
Өтетін күні: 2026 жылғы 20 маусым
Өтетін орны: Алматы облысы, Қазақ егіншілік және өсімдік шаруашылығы ғылыми-зерттеу институтының демонстрациялық егістік алқаптары.
Пленарлық отырыс барысында дәлме-дәл егіншілік, цифрлық мониторинг, агроаналитика, автоматтандырылған басқару жүйелері, селекция және тұқым шаруашылығындағы инновациялық технологиялар, сондай-ақ су ресурстарын тиімді басқарудың заманауи тәсілдері талқыланады.
Сонымен қатар, ғылыми әзірлемелер мен өндірістік технологиялардың көрмесі ұйымдастырылады.
Іс-шара агроөнеркәсіп кешенін цифрлық трансформациялау, ғылым, білім беру және өндіріс арасындағы өзара байланысты нығайту, сондай-ақ тұрақты ауыл шаруашылығын дамыту мәселелерін талқылауға арналған маңызды алаң болмақ.
